FANDOM


's LébmBearbeiten

Die Zwillingspriadεr Kosmas unt Damian håm in drittn Jåhrhundεrt in dεr rémischn Provinz Syrien glép. Pa die rémischn Katholikn, pa die Ortodóxn, pa die Kóptn unt pa die arménischn Krischtn wern sie als Heilige vεrehrt. Va ihrn Lébm woaß man né viel. Sie sein Dóktεr gwésn unt håm die Lait auf wundεrsåme Weis ghoalt. Laut a Legénde håm sie sógår an amputiεrtn Hax vεrpflånzt. Fir ihrn Deanscht håm sie koa Gelt gnummen. Dεr Kósmas håt in Damian sógår groaße Vórwirf gmåcht, weil εr van a Frau amål drei Ggoggelen fir a Hoalung gnummen håt.

Pa die Krischtnvεrfólgungen untεrn Kaisεr Dioklezian sein sie gfóltεrt gwórtn, sie håm åbεr ålle Fóltεrmetódn guat ibεrståntn. Zuléscht sein képft gwórtn.

Pedaitung

Spétigschtns in 6. Jåhrhundεrt isch die Vεrehrung va Konschtantinópl nåch Európa kémmen. In Róm isch 536 – 530 van Påpscht Felix VI a Basilika af ihmene Nåmen paut gwurtn. In dεr Kathólischn Kirch håbm sie in Nåmenståg gemeinsåm in 26. Setémεr. Sie sein Patrone va die Dóktεr, Frisér unt Apotéggεr. Weitεrs sein sie Stådtpatrón va Essen, Flórenz unt åndre Stédt. Nét lai in Sizilien wern sie hait nó psundεrs gfeiεrt. In Sidtiról hoaßt dεr „Mäusedorn“ in Dialekt nåchn Kósmas Kosmanstaud. In dεr Nechnt va Pózn isch in Wålt a Kosmaskirchl. In dεr Michlskirch in Minchn gip’s an Schrein óhne Reliquien.

Åndre SpråchnBearbeiten

Taitsch: Kosmas und Damian

Englisch: Cosmas and Damian

Walsch: Cosma e Damiano

Franzésisch: Côme et Damien

PildεrBearbeiten

Kosmas-Damian 1

QuellnBearbeiten

IbεrsétzungBearbeiten

Dóktεr – Ärzte

Frisér – Friseure

Ggoggelen – Eier

Hax – Bein

ihmene – ihren (3. Person Plural)

képft – enthauptet