FANDOM



Die Kårwóch isch die Wóch vór Oaschtεrn unt die léschte Wóch va dεr Fåschtnzeit. In der Wóch steaht die Passión (as Leidn van Krischtus) in Mittlpunkt van kirchlichn Lébm. In Weichnpfinstig[1] (Greandónnεrstig) isch as Åbntmåhl van Krischtus dεr Kern, unt as Gedénkn va dεr Fuaßwaschung (dεr Krischtus håt in die Apóschtl die Fiaß gwaschn um zu zoagn, dass er dεr Knecht fir ålle isch). In dén Tåg wert in der kathólischn Kirch aa van Pischof as heilige Él gweicht. In Kårfreitig dénkt man af dεr Kraizigung van Krischtus unt sein Toat (die Schreiεr af dεr Stråßn håm van rémischn Ståtthåltεr Pilatus die Kraizigung van Jesus gfórdεrt unt er håt nåchgébm). In Kårsåmstig af Nåcht feiεrt man schón die „Auferstehung“, dé eigntlich in Oaschtεrtåg in dεr Friah passiart isch. Pan Góttesdeanscht afnåbet wert die Oaschtεrkérz ånzuntn und as Tafvεrspréchn nui gmåcht.

As Wórt r kimmp ausn Ålthoachtaitschn unt pedaitet Trauεr, Gereare. Dεr erschte Toal van Wórt Greandónnεrstig (Gründonnerstag) isch mit taitsch greinen vεrwåndt unt pedaitet rearn. In Vólksmunt verpintet man Greandónnεrstig mit grean, déswéng isst man in dén Tåg greane Såchn (Spinat, Zigori, Inslsålet, ...). Dεr Duden (Herkunftswörterbuch 1997) håt zu dεr Etymologie va Gründonnerstag an åndre Ånsicht.

IbεrsétzungBearbeiten

  • Él: Öl
  • dénkn af: denken an, gedenken
  • afnåbet: abends
  • rearn: weinen
  • Gereare: Wehklage, Seufzen
  • grean: grün
  • Zigori: Löwenzahn, Taraxacum
  • Inslsålet: Feldsalat, Valerianella

PemérkungBearbeiten

  1. schaug unter „Diskussion“